07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
Նիկոսիայում տեղի է ունեցել Կիպրոսի, Հունաստանի և Իսրայելի ղեկավարների եռակողմ գագաթնաժողովը
Քաղաքականություն
04.09.2023 | 22:58
Նիկոսիայում տեղի է ունեցել եռակողմ գագաթնաժողովը, որին մասնակցել են Կիպրոսի, Հունաստանի և Իսրայելի պատվիրակությունները՝ երկրների ղեկավարներ Նիկոս Խրիստոդուլիդեսի, Կիրիակոս Միցոտակիսի և Բենիամին Նեթանյահուի գլխավորությամբ, գրում է Gercek news-ը։
Նշվում է, որ մինչ ընդլայնված նիստը եռյակն առանձնազրույց է ունեցել։ Տեղի է ունեցել Հունաստան-Իսրայել երկկողմանի նիստ, ինչպես նաև մասնավոր քննարկումներ Միցոտակիսի և Նեթանյահուի ու Խրիստոդուլիդեսի և Միցոտակիսի միջև:
Հանդիպումից առաջ Կիպրոսի նախագահ Նիկոս Խրիստոդուլիդեսը նախագահական պալատում ողջունել է իր գործընկերներին՝ ոգևորություն հայտնելով նրանց հետ առաջիկա բանակցությունների հետ կապված։ Իսրայելի վարչապետ Բենիամին Նեթանյահուն էլ բարձր է գնահատել եռակողմ հարաբերությունների կայուն արդյունավետությունը։ Նա ընդգծել է պաշտպանական կապերը և ձեռնարկատիրական գործարքները, որոնք օգուտ են բերում իրենց ժողովուրդներին՝ վստահություն հայտնելով գործընկերության աճի ներուժի վերաբերյալ։
Միցոտակիսն իր հերթին խոսել է եռակողմ համագործակցության ամրապնդման մասին՝ նոր մարտահրավերների ֆոնին։
Հունական աղբյուրների փոխանցմամբ՝ Նեթանյահուն և Միցոտակիսը երկկողմ հանդիպմանը քննարկել են տարբեր ոլորտներում երկկողմ հարաբերությունների հետագա ընդլայնման և խորացման ուղիները՝ ներառյալ պաշտպանությունը, տնտեսությունը, զբոսաշրջությունը և ագրոպարենային արդյունաբերությունը:
Էմմա Չոբանյան
