02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Գերմանիայի կանցլերը՝ «ծովահեն»․ Շոլցը մի քանի շաբաթ աչքին վիրակապ կկրի
Քաղաքականություն
04.09.2023 | 23:30
Գերմանիայի կանցլեր Օլաֆ Շոլցը, որը նախորդ շաբաթվա վերջին մարզական վնասվածք էր ստացել, վերադարձել է պարտականությունների կատարմանը՝ աչքը վիրակապած։ Այս մասին ճեպազրույցում հայտնել է դաշնային կառավարության խոսնակ Շտեֆեն Գեբեշտրեյտը, գրում է Korrespondent-ը։
Գեբեշտրեյտը մանրամասնել է, որ Շոլցը վիրակապը կկրի մի քանի շաբաթ, բայց կմասնակցի նախատեսված բոլոր հանդիպումներին և միջոցառումներին, մասնավորապես՝ Մյունխենի ավտոցուցադրությանը և G20-ի գագաթնաժողովին։
Ինքը՝ Գերմանիայի կառավարության ղեկավարը, X սոցցանցում (նախկինում՝ Twitter) վիրակապով լուսանկար է հրապարակել ու կատակել․ «Անհամբեր սպասում եմ մեմերին: Շնորհակալություն բարեմաղթանքների համար, ավելի վատ է երևում, քան կա իրականում»։
Նշենք, որ սոցցանցերն արագ արձագանքել են կանցլերի «նոր կերպարին» և նրան պատկերել որպես ծովահեն։
