07.10.2026 | 23:48
Արթուր Դանիելյանը կալանավորվեց
Գաղտնիք է․ Ավինյանը՝ իր հայտարարության մասին
Քաղաքականություն
04.09.2023 | 16:05
«Գաղտնիք է»,- այսպես արձագանքեց «Քաղաքացիական պայմանագիր» կուսակցության՝ Երևանի քաղաքապետի թեկնածու Տիգրան Ավինյանն այսօր քարոզարշավի ընթացքում անդրադառնալով Factor TV-ի հարցին, թե որտեղից է տեղեկացել հայկական զենքերի կիրառման մասին, որ նախորդ օրը հանդես է եկել հայկական զենքերով խփելու մասին հայտարարությամբ։
Այնուհետև Ավինյանը պարզաբանեց․ «Ես նաև իշխող քաղաքական ուժի վարչության անդամ եմ, նախկին փոխվարչապետ, և առհասարակ տարբեր հարցերի վերաբերյալ բավականին տեղեկացված եմ»։
Հիշեցնենք, որ երեկ քարոզարշավի ժամանակ Ավինյանը նշել էր․ «Ամեն ընտրութան ժամանակ Ադրբեջանը սահմանային լարվածություն է ստեղծում, ու էս անգամ հախներից եկանք, դրա համար սենց կարճ տևեց, շատ կտրուկ պատասխան տվեցինք ու մեր հայկական զենքերով, որը սկսել ենք անցած տարվանից կրել, որին կար մեծ դիմադրութություն, էդ էլ ձեզ ասեմ: Ուզում եք քաղաքական, լսեք քաղաքական․ կար մեծ դիմադրություն, ու հիմա հայկական զենքերով ենք խփում ու շարունակելու ենք խփել ամեն սադրանքին» :
Մանրամասները՝ տեսանյութում։
