Քաղաքականություն
04.09.2023 | 14:20
ՌԴ-ի և Ադրբեջանի կառավարությունները 2024-2026 թվականների համար Բաքվի ու Մոսկվայի միջև տնտեսական համագործակցության առանցքային ոլորտներում զարգացման «ճանապարհային քարտեզ» են պատրաստելու։
Ինտերֆաքսի ադրբեջանական ծառայության Ադրբեջանի կառավարության աղբյուրը հայտնել է, որ գործողությունների այս ծրագիրը նախատեսվում է պատրաստել մինչև 2023 թվականի ավարտը։
«Բացի այդ, կողմերի միջև կա պայմանավորվածություն տնտեսական և ներդրումային համագործակցության հարցերով աշխատանքային խմբի նիստեր անցկացնելու վերաբերյալ»,- ասել է զրուցակիցը։
Նրա խոսքով՝ Բաքուն և Մոսկվան նաև պայմանավորվել են ստորագրել զբոսաշրջության զարգացման «ճանապարհային քարտեզ», որը նախատեսված է 2023-2025 թվականների համար։
«Այդ փաստաթուղթը կարող է ստորագրվել մինչև այս տարեվերջ։ Ընդհանուր առմամբ, երկու կողմերն էլ շահագրգռված են զբոսաշրջության զարգացմամբ, ներառյալ՝ Կասպից ծովում զբոսաշրջության զարգացման գործում համագործակցությունը»,- հավելել է լրատվամիջոցի զրուցակիցը։
Էմմա Չոբանյան
