15.09.2026 | 22:12
«Մարդը պետք է գերակա լինի ԱԲ-ի նկատմամբ»․ Microsoft-ը վարքագծի կանոնագրքի նախագիծ է հրապարակել
Ռուսաստանն Օդեսայի մարզում «Կալիբրով» հարվածել է հացահատիկի ամբարներին
Քաղաքականություն
04.09.2023 | 13:31
Ռուսաստանը հերթական անգամ հարվածներ է հասցրել Օդեսայի շրջանի հարավին, գրում է DW-ի ռուսական ծառայությունը։
««Շահեդ-136» տիպի հարվածային անօդաչու թռչող սարքերի գիշերային զանգվածային հարձակումն ուղղված է եղել Դանուբի շրջանի քաղաքացիական ենթակառուցվածքներին։ ՀՕՊ ուժերի կողմից խոցվել է 17 ԱԹՍ սարք։ Այնուամենայնիվ, նաև հարվածներ են եղել։ Պահեստային և արդյունաբերական շենքեր, գյուղատնտեսական և տեխնիկայի սարքավորումներ, արդյունաբերական ձեռնարկություններ են վնասվել երկու տարածքային համայնքներում»,- հայտնել են Օդեսայի իշխանությունները։
Իր հերթին, Օդեսայի շրջանի ղեկավար Օլեգ Կիպերը հայտնել է, որ սա մեկ շաբաթվա ընթացքում շրջանի վրա Ռուսաստանի Դաշնության կողմից չորրորդ հարձակումն է։
«Լուսադեմին ռուսները «Կալիբր» տեսակի հրթիռներ են արձակել հրթիռակրից, որը գիշերը հերթապահության է հանվել Սև ծովում։ Ցավոք, հարվածներ են հասցվել Օդեսայի մարզի ագրարային ձեռնարկություններից մեկի հացահատիկի տերմինալներից մեկին։ Թշնամին ոչնչացրել է 100 տոննա ոլոռ և 20 տոննա գարի»,- գրել է նա Telegram-ում։
Կիպերի տվյալներով՝ հարձակման հետևանքով վիրավորվել է երկու մարդ, որոնք ապակու կտրած վնասվածքներ են ստացել։
