07.10.2026 | 23:48
Արթուր Դանիելյանը կալանավորվեց
Զելենսկին հայտարարել է ՊՆ ղեկավար Ռեզնիկովին պաշտոնանկ անելու մասին, հայտնի է փոխարինողի անունը
Քաղաքականություն
04.09.2023 | 10:51
Ուկրաինայի նախագահ Վլադիմիր Զելենսկին երեկոյան ելույթի ժամանակ հայտարարել է, որ որոշել է պաշտոնանկ անել Ուկրաինայի պաշտպանության նախարար Ալեքսեյ Ռեզնիկովին։ Նրա տեղը կզբաղեցնի Պետական գույքի հիմնադրամի ղեկավար Ռուստեմ Ումերովը՝ Գերագույն Ռադայի կողմից նրա թեկնածությունը հաստատվելուց հետո, փոխանցում է BBC-ի ռուսական ծառայությունը։
«Ալեքսեյ Ռեզնիկովն անցել է լայնածավալ պատերազմի ավելի քան 550 օրերի միջով։ Կարծում եմ, որ նախարարությանն անհրաժեշտ են նոր մոտեցումներ և փոխգործակցության այլ ձևաչափեր ինչպես զինվորականների, այնպես էլ ողջ հասարակության հետ»,- ասել է Ուկրաինայի նախագահը։
«Այժմ նախարարությունը պետք է գլխավորի Ռուստեմ Ումերովը։ Ուկրաինայի Գերագույն Ռադան լավ է ճանաչում այս մարդուն, և պարոն Ումերովը լրացուցիչ ներկայացման կարիք չունի։ Ակնկալում եմ, որ խորհրդարանը կպաշտպանի այս թեկնածությունը։ Աշունն ամրապնդվելու ժամանակն է»,- ասել է Զելենսկին։
Նշենք, որ Ռուստեմ Ումերովը Ղրիմի թաթար է, իսլամի հետևորդ։ 2019 թվականին նա պատգամավոր է ընտրվել երգիչ Սվյատոսլավ Վակարչուկի «Ձայն» կուսակցությունից։
