09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
ԱԱԾ մամուլի խոսնակն՝ Արթուր Վանեցյանին ՀՖՖ-ի նախագահ ընտրելու մասին
Հասարակություն
16.07.2018 | 17:52
Ազգային անվտանգության ծառայության տնօրենի մամուլի խոսնակ Սամսոն Գալստյանը չի տիրապետում այնպիսի տեղեկության, ըստ որի, ԱԱԾ տնօրեն Արթուր Վանեցյանը պատրաստվում է առաջադրվել Հայաստանի ֆուտբոլի ֆեդերացիայի նախագահի պաշտոնի համար։ «Անկեղծ ասած, ես նման տեղեկատվության չեմ տիրապետում, ոչինչ չեմ կարող ասել։ Երբ որ ՀՖՖ նախագահը հրաժարական կտա, այն ժամանակ, գուցե, այդ թեմայով քննարկում լինի»,- մեզ հետ զրույցում ասաց Սամսոն Գալստյանը։
Հիշեցնենք, որ ավելի վաղ մամուլում գրվել էր այն մասին, որ Ռուբեն Հայրապետյանը հրաժարական կտա ՀՖՖ-ի ղեկավարի պաշտոնից և այդ պաշտոնի միակ հավակնորդը ԱԱԾ տնօրեն Արթուր Վանեցյանն է։
Նշենք նաև, որ Ռուբեն Հայրապետյանը Հայաստանի ֆուտբոլի ֆեդերացիայի նախագահի պաշտոնում ընտրվել է 2002 թվականին , որից հետո երեք անգամ՝ 2006, 2010, 2015 թվականներին վերընտրվել է Հայաստանի ֆուտբոլի ֆեդերացիայի նախագահի պաշտոնում:
