30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
5 ոսկե, 1 արծաթե և 2 բրոնզե մեդալ՝ պարաբազկամարտի աշխարհի առաջնությունից
01.09.2023 | 19:43
Հայաստանի բազկամարտի ֆեդերացիայի հավաքական թիմը ԿԳՄՍ նախարարության աջակցությամբ Ղազախստանի Ալմա Աթա քաղաքում մասնակցել է պարաբազկամարտի աշխարհի 25-րդ առաջնությանը և 5 ոսկե, 1 արծաթե ու 2 բրոնզե մեդալ նվաճել: Այս մասին տեղեկացնում են ԿԳՄՍՆ-ից։
Պարաբազկամարտի աշխարհի առաջնությունն անցկացվում է օգոստոսի 25-ից սեպտեմբերի 3-ը։ Մրցաշարին ընդհանուր առմամբ 40 երկրի մարզիկներ են մասնակցել: Նրանք մրցել են ձախ և աջ ձեռքերով:
Հայաստանի թիմի կազմում պարաբազկամարտի աշխարհի չեմպիոններ են հռչակվել մինչև 55 կգ քաշային Սարգիս Հարությունյանը (ձախ ձեռքով), մինչև 80 կգ քաշային Սարգիս Ստեփանյանը (ձախ ձեռքով) և + 65 կգ քաշային Նաիրա Մեսրոպյանը (աջ և ձախ ձեռքով): ԱԱ-ի հաղթող է ճանաչվել նաև 65 կգ քաշային Գուրգեն Անտոնյանը՝ մինչև 24 տարեկանների պայքարում:
Աջ ձեռքի մրցումներում փոխչեմպիոնի տիտղոսը նվաճել է մինչև 75 քաշային Հայկ Ստեփանյանը, իսկ Սարգիս Հարությունյանը (մինչև 55 կգ) և Շահեն Բաբայանը (մինչև 65 կգ) դարձել են բրոնզե մեդալակիրներ:
Հայաստանի հաշմանդամային սպորտի ֆեդերացիայի նախագահ Սարգիս Ստեփանյանի խոսքով՝ աշխարհի առաջնությունում մրցակցությունը բավականին թեժ է եղել. «Մեր թիմը պարզապես հիանալի հանդես եկավ: Աշխարհի առաջնությունում մրցակցությունը բավականին մեծ էր, տարբեր երկրներից շատ ուժեղ մասնակիցներ կային ու շատ բարդ պայքար էր ընթանում: Մեր թիմը պատվով կարողացավ կատարել իր առջև դրված խնդիրը»:
Հայաստանի պատվիրակության կազմում ընդգրկված է եղել 7 մարզիկ՝ Սարգիս Ստեփանյանը, Սարգիս Հարությունյանը, Շահեն Բաբայանը, Հայկ Ստեփանյանը, Սերոբ Հովհաննիսյանը, Գևորգ Անտոնյանը և Նաիրա Մեսրոպյանը: Թիմը հանդես է եկել գլխավոր մարզիչ Գևորգ Ստեփանյանի և ավագ մարզիչ Հովհաննես Միրզոյանի ղեկավարությամբ:
