23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ավագանու ընտրություններին մասնակցող որոշ ուժեր դադարեցնում են քարոզարշավը
Քաղաքականություն
01.09.2023 | 15:33
Վաղ առավոտից Հայաստանի Պաշտպանական գերատեսչությունը հայտարարում է սահմանային լարվածության, երկու զոհի և մեկ վիրավորի մասին։ Ադրբեջանական զինուժն ականանետեր է կիրառում Սոթքի գյուղերի ուղղությամբ։ Այս տեղեկության հրապարակումից որոշ ժամանակ անց Երևանի ավագանու ընտրություններին մասնակցող քաղաքական մի քանի ուժեր հայտարարում են քարոզարշավը այս փուլում դադարեցնելու մասին։
Քարոզարշավը դադարեցնելու մասին են հայտարարել «Մայր Հայաստան» դաշինքի ցուցակը գլխավորող Անդրանիկ Թևանյանը, «Լուսավոր Հայաստան» կուսակցության առաջին համար Դավիթ Խաժակյանը, «Ապրելու Երկիր» կուսակցությունը։ Նրանք հայտարարել են, որ որոշումը պայմանավորված է սահմանային իրավիճակով, իսկ ահա իշխող ՔՊ կուսակցությունը, առանց հստակեցնելու պատճառները, նշել է, որ կուսակցությունն այսօր նախատեսված քարոզարշավը չի իրականացնելու։ Առանց մեկնաբանության քարոզարշավը դադարեցնելու մասին հայտարարել է նաև Հայկ Մարությանին առաջադրած «Ազգային առաջընթաց» կուսակցությունը։
Նարեկ Կիրակոսյան
