Քաղաքականություն
01.09.2023 | 17:29
ՌԴ նախագահ Վլադիմիր Պուտինն իր թուրք գործընկերոջ՝ Ռեջեփ Թայիփ Էրդողանի հետ բանակցություններ է անցկացնելու Սոչիում սեպտեմբերի 4-ին։ Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Իսկապես, բանակցություններն անցկացվելու են երկուշաբթի։ Դրանք կանցկացվեն Սոչիում օրվա կեսին»,- ասել է Պեսկովը։
Սա երկու առաջնորդների առաջին հանդիպումն է սևծովյան հացահատիկային գործարքի դադարեցումից, ինչպես նաև Էրդողանի վերընտրությունից հետո։
Էրդողանի և Պուտինի վերջին հանդիպումը տեղի է ունեցել 2023 թվականի հոկտեմբերի 13-ին Աստանայում։ Ի դեպ, թուրքական կողմը մեծ ջանքեր էր գործադրում Թուրքիայի Պուտինի այցի հետ կապված։
Հիշեցնենք, որ այցով ՌԴ-ում է Թուրքիայի ԱԳ նախարար Հաքան Ֆիդանը։ Նախօրեին նա բանակցություններ է անցկացրել ՌԴ ԱԳ նախարար Սերգեյ Լավրովի հետ։ Այսօր Ֆիդանը հանդիպելու է նաև ՌԴ ՊՆ ղեկավար Սերգեյ Շոյգուին։
Էմմա Չոբանյան
