08.10.2026 | 19:43
Ժամանակավորապես կփակվի Դսեղ-Մարց ավտոճանապարհի մի հատվածը
Գիշերը ՌԴ շրջանները ԱԹՍ-ների հարձակման են ենթարկվել
Քաղաքականություն
01.09.2023 | 11:42
ՌԴ իշխանությունների տվյալներով՝ ուրբաթ գիշերը ռուսական մի քանի շրջաններ կրկին անօդաչու սարքերի հարձակումների են ենթարկվել։
Մոսկվայի քաղաքապետ Սերգեյ Սոբյանինը, մասնավորապես, ասել է, որ «Լյուբերցիի մոտ հակաօդային պաշտպանության ուժերը կանխել են դեպի Մոսկվա անօդաչուների թռչելու հերթական փորձը», փոխանցում է BBC-ի ռուսական ծառայությունը։
Մոսկվայի օդանավակայանները չեն ընդունել և բաց թողել թռիչքներ. Պետական ՌԻԱ Նովոստի գործակալության տվյալներով՝ ուրբաթ առավոտյան Մոսկվայի Վնուկովո, Դոմոդեդովո և Շերեմետևո օդանավակայաններում առնվազն 61 չվերթ է հետաձգվել, իսկ 23-ը չեղարկվել են, սակայն ավելի ուշ սահմանափակումները հանվել են։
Բելգորոդի շրջանի նահանգապետ Վյաչեսլավ Գլադկովը նույնպես առավոտյան գրել է, որ Բելգորոդի մարզում հակաօդային պաշտպանության համակարգը խոցել է «ինքնաթիռային տիպի անօդաչու թռչող սարք»։ Ըստ Գլադկովի՝ նախնական տվյալներով զոհեր և ավերածություններ չկան։
Ավելի վաղ գիշերը Պսկովի և Կուրսկի շրջանների նահանգապետեր Միխայիլ Վեդերնիկովը և Ռոման Ստարովոյտը նույնպես հայտնել էին անօդաչու սարքերի հարձակումների մասին։
