11.07.2026 | 17:45
Apple-ը դատի է տվել OpenAI-ին՝ մեղադրելով ընկերությանը առևտրային գաղտնիքներ գողանալու մեջ
Ադրբեջանը հայտնում է երեք զինծառայողի վիրավորման մասին
Քաղաքականություն
01.09.2023 | 11:11
Ադրբեջանի ՊՆ-ն հայտնում է երեք զինծառայողի վիրավորման մասին։ Առաջին հաղորդագրությամբ Ադրբեջանի պաշտպանական գերատեսչությունը հայտնել էր, որ վիրավորվել է զինծառայող Մուհամեդ Տագիևը։ Վերջինս տեղափոխվել է զինվորական հոսպիտալ։ Ադրբեջանական կողմը պնդում է, որ Տագիևը վիրավորվել է հայկական ուժերի կրակի հետևանքով։
Այժմ նոր հաղորդագրությամբ Բաքուն հայտնում է ևս երկու զինծառայողի վիրավորման մասին, որոնք վնասվածքներ են ստացել «հայկական կողմի կիրառած հարձակվողական ԱԹՍ-ի հետևանքով»։
Հիշեցնենք, որ ՀՀ ՊՆ հայտարարել է, որ օգոստոսի 31-ին Ադրբեջանը պարբերաբար ապատեղեկատվություն տարածելով ու հերթական սադրանքի հիմքը ստեղծելով՝ սեպտեմբերի 1-ին ժամը 07։50-ից ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ։ Ադրբեջանական կողմը կիրառում է նաև ականանետ։
