06.08.2026 | 09:00
Կառավարության նիստը. ՈՒՂԻՂ
Անահիտ Մանասյանն Օսլոյում մասնակցել է Մարդու իրավունքների ազգային հաստատությունների ցանցի կազմակերպած հանդիպմանը
Հասարակություն
31.08.2023 | 18:51
ՀՀ մարդու իրավունքների պաշտպան Անահիտ Մանասյանն Օսլոյում օգոստոսի 31-ին մասնակցել է Մարդու իրավունքների ազգային հաստատությունների եվրոպական ցանցի (ENNHRI) կողմից կազմակերպված հանդիպմանը։ Այս մասին տեղեկացնում են ՄԻՊ-ի աշխատակազմից։
Միջոցառման շրջանակներում անցկացվել են տեղեկատվության և փորձի փոխանակում օմբուդսմանական հաստատությունների նորընտիր ղեկավարների միջև։ Մասնակիցներին մանրամասն ներկայացվել են Մարդու իրավունքների ազգային ինստիտուտների եվրոպական ցանցի մանդատն ու սկզբունքները։
Անահիտ Մանասյանը շնորհակալություն է հայտնել մասնակցության հրավերի համար և բարձր գնահատել ցանցի դերը մարդու իրավունքների պաշտպանության ոլորտում։
Հանդիպման նպատակն Օմբուդսմանական հաստատությունների նորընտիր ղեկավարների համար հարթակի ստեղծումն է` մարդու իրավունքների պաշտպանության ոլորտում բազմակողմ համագործակցությունը խթանելու և մարդու իրավունքների պաշտպանի առաքելության իրականացման առանձնահատկությունները նկատի ունենալու նպատակով։
