30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Շահագրգիռ ենք՝ նպաստելու ՀՀ-ի և Թուրքիայի հարաբերությունների կարգավորմանը․ Լավրովը՝ Ֆիդանին
Քաղաքականություն
31.08.2023 | 19:13
ՌԴ ԱԳ նախարար Սերգեյ Լավրովը Մոսկվայում Թուրքիայի ԱԳ նախարար Հաքան Ֆիդանի հետ հանդիպումից հետո մամուլի ասուլիսում անդրադարձել է կողմերի քննարկած թեմաներին։ Առանցքայինը հացհատիկային գործարքի թեման է եղել, միաժամանակ, քննարկվել են տարածաշրջանային հարցեր՝ Մերձավոր Արևելք, Հյուսիսային Աֆրիկա, Կովկաս, Կենտրոնական Ասիա, Սև ծովի տարածաշրջան։ Դիտարկվել է նաև թուրք-սիրիական հարաբերությունների կարգավորման գործընթացը։
Լավրովը նշել է, որ Մոսկվան ցանկանում է խորացնել Անկարայի հետ գործակցությունը Հարավային Կովկասի հարցերում։
«Մենք կողմ ենք համագործակցության խորացմանն այլ ուղղություններվ, այդ թվում՝ Հարավային Կովկասում։ Շահագրգիռ ենք նպաստելու Հայաստանի և Թուրքիայի, ինչպես նաև այն պայմանավորվածությունների կատարմանը, որոնք ձեռք են բերվել Հայաստանի, ՌԴ-ի և Ադրբեջանի ղեկավարների միջև, այդ թվում՝ տրանսպորտային ուղիների, հաղորդակցությունների ապաշրջափակման, հետկոնֆլիկտային վերականգնման հարցերում։ Մենք համոզված ենք, որ Թուրքիան կարող է շատ կառուցողական և օգտակար դեր խաղալ այդ ջանքերում»,- հայտարարել է ՌԴ ԱԳ նախարարը։
Ֆիդանը ևս նշել է, որ խոսել են Սիրիայի, Կովկասի, Կենտրոնական Ասիայի, ինչպես նաև Ղրիմի թաթարների մասին։
Թուրքիայի ԱԳ նախարարը նաև հայտնել է, որ վաղը հանդիպելու է ՌԴ ՊՆ ղեկավար Սերգեյ Շոյգուի հետ։
Էմմա Չոբանյան
