27.02.2026 | 18:27
Մայր Աթոռը` Սահակ Բ-ի առաջարկով` Գևորգ եպիսկոպոսին կարգալույծ անելու տեղեկության մասին
Ադրբեջանի և Թուրքիայի ՊՆ ղեկավարները բանակցություններ են անցկացրել Անկարայում
Քաղաքականություն
31.08.2023 | 19:44
Աշխատանքային այցով Թուրքիայում գտնվող Ադրբեջանի պաշտպանության նախարար Զաքիր Հասանովը հանդիպել է իր թուրք գործընկեր Յաշար Գյուլերին։ Ադրբեջանի ՊՆ-ի հաղորդմամբ՝ կողմերն Անկարայում կայացած հանդիպմանը քննարկել են երկու երկրների միջև ռազմական համագործակցության հեռանկարները։
«Հանդիպմանը քննարկվել են ռազմական, ռազմատեխնիկական, ռազմակրթական և այլ ոլորտներում համագործակցության զարգացման հեռանկարները, նշվել է այդ ուղղությամբ տարվող աշխատանքների հետագա ընդլայնման կարևորությունը»,-ասվում է հաղորդագրության մեջ։
Նրանք նաև վստահություն են հայտնել, որ «Ադրբեջանի և Թուրքիայի միջև փոխադարձ վստահության ու աջակցության վրա հիմնված համագործակցությունը կշարունակի հաջողությամբ զարգանալ և ամրապնդվել, և որ երկու երկրների ռազմավարական դաշինքը հիմնված է եղբայրական ու բարեկամական հարաբերությունների վրա»։
Հասանովը Թուրքիայում է նախօրեից, նա մասնակցել է թուրքական Զինված ուժերի և Հաղթնակի օրվան նվիրված միջոցառումներին։
Հիշեցնենք, որ օգոստոսի 27-ին և 28-ով առանձին այցերով Բաքվում էին Թուրքիայի պաշտպանության նախարար Յաշար Գյուլերն ու ԳՇ պետ Մեթին Գյուրակը։ Նրանք հանդիպումներ են ունեցել Հասանովի, ինչպես նաև Ադրբեջանի նախագահ Իլհամ Ալիևի հետ։
Էմմա Չոբանյան
