15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Զելենսկին հայտարարել է 700 կմ հեռավորության վրա գտնվող թիրախի ոչնչացման մասին՝ չնշելով կոնկրետ վայրը
Քաղաքականություն
31.08.2023 | 18:04
Ուկրաինայի նախագահ Վլադիմիր Զելենսկին ամենօրյա խորհրդակցության ժամանակ ակնարկել է Ռուսաստանում՝ Ուկրաինայի հետ սահմանից շատ հեռու գտնվող թիրախի հարվածելու մասին։ BBC-ի ռուսական ծառայությունը գրում է, որ նման հայտարարություն է հնչել Պսկովի օդանավակայանի վրա անօդաչու թռչող սարքի հարձակումից կարճ ժամանակ անց:
«Մինստրատեգպրոմը [Ուկրաինայի ռազմավարական արդյունաբերության նախարարությունը] զեկուցել է սեփական արտադրության մասին։ Մեր հեռահար զենքը հաջող կիրառվել է. խոցված է 700 կմ հեռավորության վրա գտնվող թիրախը»,- ասվում է զեկույցում։
Ուկրաինայի սահմանից մոտ 700 կմ հեռավորության վրա է գտնվում Պսկովը, տեղի ռազմական օդանավակայանում էլ երեքշաբթի գիշերը պայթյուններ են տեղի ունեցել։ Պսկովի մարզի նահանգապետը հայտնել էր անօդաչու թռչող սարքերի հարձակման մասին։
ՌԴ Պաշտպանության նախարարությունը չի մեկնաբանել Պսկովի օդանավակայանի վրա հարձակումը։
Լրատվամիջոցները հայտնել էին, որ հարձակման հետևանքով խոցվել է չորս ռազմական Իլ-76 ինքնաթիռ։ ՌԴ Արտակարգ իրավիճակների նախարարությունը հաստատել է ինքնաթիռների ոչնչացումը՝ չնշելով դրանց թիվը։
