15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
ՌԴ-ի, Թուրքիայի և Կատարի միջև հացահատիկի մատակարարումների շուրջ քննարկման արդյունքներ դեռևս չկան․ Պեսկով
Քաղաքականություն
31.08.2023 | 17:28
ՌԴ նախագահի խոսնակ Դմիտրի Պեսկովը հայտարարել է, որ հացահատիկային գործարքին այլընտրանքի շուրջ Ռուսաստանի, Թուրքիայի և Կատարի միջև բանակցությունների կոնկրետ արդյունքներ դեռևս չկան։ Նրա խոսքով՝ քննարկումները կշարունակվեն Թուրքիայի արտգործնախարար Հաքան Ֆիդանի՝ Մոսկվա այցի ընթացքում, գրում է Կոմերսանտը։
Ճեպազրույցի ժամանակ լրագրողները Դմիտրի Պեսկովին հարցրել են՝ արդյո՞ք առաջընթաց է գրանցվել հացահատիկային գործարքի այլընտրանքային ծրագրի շուրջ բանակցություններում։
«Այս քննարկման կոնկրետ արդյունքներ դեռևս չկան, բայց մոտ ապագայում ամենաբարձր մակարդակով այս թեմայի շուրջ քննարկում կլինի Մոսկվայում։ Դժվար է ասել, թե դա որքանով արդյունավետ կլինի»,- պատասխանել է նա։
Դմիտրի Պեսկովը ևս մեկ անգամ ընդգծել է, որ Ռուսաստանը կհամաձայնի սևծովյան հացահատիկային համաձայնագրի երկարաձգմանը միայն երկրի կողմից առաջադրված պայմանների կատարումից հետո։
«Ռուսաստանը, լինելով հացահատիկի պատասխանատու մատակարար, մասնակցում է նման քննարկումներին։ Եվ ինչպես ասել է նախագահը՝ Ռուսաստանը պատրաստ է անհապաղ վերսկսել հացահատիկային գործարքը, երբ դրա հետ կապված պայմանները կատարվեն»,- եզրափակել է նա։
Հուլիսի 17-ին Ռուսաստանը դուրս եկավ հացահատիկային գործարքից՝ հայտարարելով, որ պայմանների ռուսական մասը չի կատարվել։ Ռուսական կողմը, մասնավորապես, պնդում է Ռոսսելխոզբանկը SWIFT-ին վերամիավորելու և համաշխարհային շուկա ռուսական գյուղատնտեսական ապրանքների և պարարտանյութերի մուտքի արգելքը չեղարկելու մասին։
