01.05.2026 | 12:51
ՖԻԴԵ. Հայ շախմատիստների թարմացված դիրքերը դասակարգման աղյուսակում
ԱՄՆ-ը F-35-երի էսկադրիլիներ է տեղակայում Եվրոպայում
Քաղաքականություն
31.08.2023 | 17:46
ԱՄՆ-ը նախատեսում է մինչև այս տարվա վերջ Մեծ Բրիտանիայում տեղակայել հինգերորդ սերնդի F-35 կործանիչների երկու էսկադրիլիա, որոնք կարող են միջուկային զենք կրել։ Այս մասին գրում է The Telegraph թերթը՝ վկայակոչելով սեփական աղբյուրներին։
Նշվում է, որ 54 ինքնաթիռներ շուտով կժամանեն բրիտանական Սաֆոլկի Լեյքենհիթում գտնվող ԱՄՆ ռազմաօդային ուժերի վարձակալած բազա։
Ավելի վաղ հաղորդվում էր, որ ԱՄՆ միջուկային զենքը կարող է վերադառնալ բրիտանական հող։ Մեծ Բրիտանիայի տարածքում ԱՄՆ միջուկային զենքի պոտենցիալ վերադարձը փորձագետներն անվանել են այն բանի ապացույց, որ Արևմուտքը նոր սառը պատերազմի մեջ է մտնում։
Հիշեցնենք, որ Գերմանիայում կբացվի F-35-երի մասերի արտադրության գործարան։ Այն արդեն սկսել է կառուցվել Հյուսիսային Ռեյն-Վեստֆալիա դաշնային նահանգում։
