07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Վրաստանը հայտնել է, որ Սև ծովում ջրի որակը նորմայի սահմաններում է
Քաղաքականություն
31.08.2023 | 22:08
Օգոստոսի 15-ին և 19-ին Վրաստանի Շրջակա միջավայրի պահպանության և գյուղատնտեսության նախարարության շրջակա միջավայրի ազգային գործակալությունը Սև ծովի ջրի որակի հերթական մշտադիտարկումն է անցկացրել։ Գրուզիա օնլայնի փոխանցմամբ՝ մոնիթորինգի արդյունքների համաձայն՝ Սև ծովի ջրի որակը գտնվում է նորմայի սահմաններում։
Տեղեկացվում է, որ հետազոտության ընթացքում որոշվել են քիմիական պարամետրեր, այդ թվում՝ 13 ծանր մետաղների կոնցենտրացիան, նավթային ածխաջրածինների քանակը, 16 պոլիարոմատիկ ածխաջրածինները և ֆիզիկաքիմիական այլ ցուցանիշներ։
Նմուշները վերլուծության են ուղարկվում Շրջակա միջավայրի ազգային գործակալության օդի, ջրի և հողի անալիզի հավատարմագրված լաբորատորիա, որը հագեցած է բարձր ճշգրտության վերլուծական գործիքներով և լիովին համապատասխանում է ժամանակակից պահանջներին ու չափանիշներին։
Հիշեցնենք, որ Ուկրաինայում «Կախովկա» հիդրոէլեկտրակայանի (ՀԷԿ) ամբարտակի պայթեցման պատճառով Սև ծովի աղիությունը կտրուկ նվազել է։ Այս տեղեկությունը տարածել է Ուկրաինայի տարերային աղետների հետևանքների վերացման շտաբը։
Փորձարկումների արդյունքների համաձայն՝ Օդեսայի մոտ ծովի աղիությունը նվազել է գրեթե երեք անգամ, ինչը պայմանավորված է ամբարտակի պայթեցմամբ, որը բացել է քաղցրահամ ջրի մուտքը ծով։
