29.10.2026 | 16:25
Իրանը հայտնում է, որ Հորմուզի նեղուցում ծովային ականների բախվելուց հետո երեք լցանավ է հրդեհվել
Transfermarkt. Մանվելյանը կարիերան կշարունակի ՀՊԼ-ում
31.08.2023 | 12:21
Transfermarkt պորտալի համաձայն, Հայաստանի երիտասարդական հավաքականի ֆուտբոլիստ Գոռ Մանվելյանը կարիերան կշարունակի Հայաստանի Պրեմիեր լիգայում։
Ըստ աղբյուրի՝ «Նանտի» կիսապաշտպանը պայմանագիր է կնքել «Նոայի» հետ։ Նշվում է նաև, որ ֆուտբոլիստը նոր ակումբին միացել է ազատ գործակալի կարգավիճակով։
Transfermarkt-ը Մանվելյանի տրանսֆերային արժեքը գնահատում է 400 հազար եվրո։
Հիշեցնենք, որ Մանվելյանը հրավիրվել է Հայաստանի երիտասարդական հավաքական՝ մասնակցելու ՈւԵՖԱ Եվրոպայի 2025 թվականի առաջնության որակավորման փուլի հանդիպումներին։
2021 թվականին ֆրանսիական «Նանտը» պրոֆեսիոնալ պայմանագիր էր կնքել Գոռ Մանվելյանի հետ։ Գոռը «Նանտի» սան է և հանդես էր գալիս ակումբի երկրորդ թիմում։ Հայ ֆուտբոլիստը ծնունդով Արցախից է։
2022 թվականի հունվարի 2-ին Ֆրանսիայի գավաթի խաղարկության 1/16 եզրափակչում «Նանտը» 2-0 հաշվով հաղթեց «Վիտրեին»։ Հանդիպման 74-րդ րոպեին «Նանտի» կազմում փոխարինման մտավ հայ կիսապաշտպան Գոռ Մանվելյանը` պաշտոնապես նորամուտը նշելով ֆրանսիական ակումբի կազմում։
