07.10.2026 | 23:48
Արթուր Դանիելյանը կալանավորվեց
Բաքուն Ֆրանսիայի դեսպանին կանչել է ԱԳՆ ու բողոքի նոտա հղել՝ Արցախին ուղղված հումանիտար բեռների համար
Քաղաքականություն
31.08.2023 | 12:12
Բաքվում Ֆրանսիայի դեսպան Անն Բույոնն այսօր կանչվել է Ադրբեջանի արտաքին գործերի նախարարություն։ Հաղորդվում է, որ դեսպանին բողոքի նոտա է հանձնվել Լաչինի միջանցքի ուղղությամբ հումանիտար բեռով մեքենաներ ուղարկելու համար։ Ֆրանսիայի մի շարք քաղաքների քաղաքապետեր, այդ թվում՝ Փարիզի քաղաքապետ Աննա Իդալգոն, ըստ պաշտոնական Բաքվի՝ Ադրբեջանի դեմ «սադրիչ հայտարարություններով» են հանդես եկել։
Նշվել է, որ ֆրանսիական կողմի այս քայլերը «ոչ միայն ուղղակի միջամտություն են Ադրբեջանի ներքին գործերին, այլ նաև ոտնձգություն Ադրբեջանի ինքնիշխանության և տարածքային ամբողջականության դեմ»։
Արդեն 9 ամիս Արցախը շրջափակման մեջ պահող Բաքուն հումանիտար բեռների ուղարկումը անվանում է «սադրիչ քայլ»։
