10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Նախարարությունը 6 ամսում մարդատար-տաքսիով ուղևորափոխադրում կազմակերպելու 765 լիցենզիա է տրամադրել
06.07.2017 | 15:11
Նախարարությունում 2017թ. առաջին կիսամյակում զանգվածային լրատվամիջոցներից, քաղաքացիներից և իրավաբանական անձանցից առձեռն, էլեկտրոնային փոստով կամ ՀՀ տրանսպորտի, կապի և տեղեկատվական տեխնոլոգիաների նախարարության պաշտոնական կայքի միջոցով առցանց ստացվել է տեղեկություն տրամադրելու վերաբերյալ 145 հարցում: Բոլոր հարցումներին պատշաճ պատասխանվել է «Տեղեկատվության ազատության մասին» ՀՀ օրենքով սահմանված կարգով և ժամկետներում. տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
Ինչպես բանավոր, այնպես էլ գրավոր հարցումների դեպքում նախարարությունը չի պահանջել հիմնավորել հարցումները, տեղեկատվություն տրամադրելու համար որևէ վճար ևս չի պահանջվել:
Անհապաղ կամ հնարավորին սեղմ ժամկետում պատասխանվել է տեղեկություն ստանալու վերաբերյալ բոլոր բանավոր հարցումներին:
Օրենսդրությամբ սահմանված կարգով և ժամկետներում ընթացք է տրվել նախարարություն մուտքագրված բոլոր դիմումներին և գրություններին, որոնց քանակը եղել է 18302: Դրանցից 616-ը եղել են քաղաքացիների դիմումներ: Դիմում-գրություններից 1063-ը ստացվել են նախարարության էլեկտրոնային փոստով: ՀՀ Ազգային ժողովի պատգամավորներից ստացվել է 4 հարցում:
Նախարարության լիցենզավորման գործակալությունը «Մեկ պատուհան» սկզբունքով տրամադրել է ֆիզիկական անձանց կողմից մեկ մարդատար-տաքսի ավտոմոբիլով ուղևորափոխադրումների կազմակերպման գործունեության 765 լիցենզիա և ներդիր, անհատ ձեռնարկատերերի և կազմակերպությունների կողմից մարդատար-տաքսի ավտոմոբիլով ուղևորափոխադրումներ կազմակերպելու գործունեության 6 լիցենզիա և 136 ներդիր, փոստային կապի գործունեության 2 լիցենզիա և 4 ներդիր, ինչպես նաև ՀՀ կողմից արտաքին առևտրի դեպքում սահմանափակումների ենթակա ռադիոէլեկտրոնային և (կամ) քաղաքացիական օգտագործման բարձր հաճախականության, այդ թվում՝ ներկառուցված կամ այլ ապրանքների կազմի մեջ մտնող սարքերի ներկրման 413 լիցենզիա:
Նույն ժամանակահատվածում 202 քաղաքացիներ ստացել են անվճար երթևեկության վկայականներ:
