10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Երևանի քաղաքապետ չընտրվեց․ քվորում չապահովվեց. ՏԵՍԱՆՅՈՒԹ
Քաղաքականություն
16.07.2018 | 12:28
Երևանի քաղաքապետի առաջին տեղակալ Կամո Արեյանն այսօր հրավիրված ավագանու նիստում հայտարարեց 30 րոպե ընդմիջում, քանի որ քվորում չկար քաղաքապետ ընտրելու համար։
Քաղաքապետի միակ թեկնածուն, հիշեցնենք, ավագանու «Երկիր Ծիրանի» խմբակցության ղեկավար Զարուհի Փոստանջյանն էր։ 30 րոպե ընդմիջումից հետո, սակայն կրկին ավագանու անդամները չներկայացան նիստերի դահլիճ:
«Այս պահի դրությամբ Երևանի ավագանու նիստին քվորում չկա, նիստը համարվում է չկայացած»,- հայտարարեց Կամո Արեյանը:
Ըստ «Երևան քաղաքում տեղական ինքնակառավարման մասին» օրենքի՝ եթե ավագանին օրենքով սահամանված ժամկետում քաղաքապետ չի ընտրում, ապա Կառավարությունը կրճատում է ավագանու լիազորությունների ժամկետը և նշանակում է ավագանու արտահերթ ընտրություններ: Արտահերթ ընտրությունն անցկացվում է ավագանու լիազորությունների ժամկետը կրճատելուց հետո ոչ շուտ, քան 30, և ոչ ուշ, քան 40 օրվա ընթացքում:
