29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Կիևն այս պահին պատրաստ չէ Ռուսաստանի հետ խաղաղ բանակցությունների․ Պոդոլյակ
Քաղաքականություն
30.08.2023 | 18:55
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը կարծում է, որ ներկայում Կիևը պատրաստ չէ Ռուսաստանի հետ խաղաղ բանակցությունների՝ երկրների միջև ռազմական հակամարտության կարգավորման շուրջ։ Ըստ նրա՝ այժմ բանակցությունների մասին խոսք լինել չի կարող։
«Այս պահին բանակցությունների մասին խոսք լինել չի կարող»,- ասել է նա իտալական Corriere della Sera-ին տված հարցազրույցում։
Պոդոլյակը նշել է, որ բանակցությունները հնարավոր կլինեն միայն այն բանից հետո, երբ Ռուսաստանն «առաջնագծում զգալի տակտիկական պարտություններ կրի»։ Մասնավորապես, նա կարծում է, որ բանակցությունները կարող են հնարավոր դառնալ Ուկրաինայի զինված ուժերը Ղրիմի վարչական սահմաններ դուրս բերելուց հետո։
Բացի այդ, Միխայիլ Պոդոլյակն ընդգծել է, որ Կիևի ներկայացուցիչները մտադիր չեն որևէ բանակցություն վարել ՌԴ նախագահ Վլադիմիր Պուտինի հետ՝ դա ամրագրված է երկրում օրենսդրական մակարդակով։
