24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Բաքուն միջազգային ԶԼՄ-ների ադրբեջանցի թղթակիցներին հավաքել է Ստեփանակերտ տանող ճանապարհին
Քաղաքականություն
30.08.2023 | 15:51
Բաքուն միջազգային լրատվամիջոցների ադրբեջանական ծառայությունների մի խումբ աշխատակիցների հավաքել է Ստեփանակերտի ճանապարհին, որտեղ գտնվում են Ադրբեջանի Կարմիր մահիկի ընկերակցության, իբր, մարդասիրական օգնությամբ բեռնված երկու մեքենաները՝ նախատեսված Արցախի համար։
Ադրբեջանի իշխանությունները, որոնք ամիսներ շարունակ նախ հերքում էին Արցախում իրենց իսկ կողմից ստեղծված հումանիտար ճգնաժամը, այժմ նոր քարոզչական գիծ են որդեգրել և փորձում են 2022 թվականի դեկտեմբերից Լաչինի միջանցքը փակած «էկոավիստների» շոուն փոխարինել Բաքվի հրահանգով գործող Կարմիր մահիկի «հումանիտար» առաքելությամբ։
Հաղորդվում է, որ ռուս խաղաղապահների հենակետի մոտ են հավաքվել Bloomberg-ի, BBC-ի, Gettyimage-ի, Reuters-ի և այլ ԶԼՄ-ների ադրբեջանցի թղթակիցները, որոնք տեղում ծանոթանում են իրավիճակին։
Հիշեցնենք, որ Ադրբեջանի Կարմիր մահիկի ընկերակցության նախագահ, պատգամավոր Նովրուզ Ասլանը նախօրեին հայտարարել էր, թե 40 տոննա ալյուրով երկու մեքենա է ուղարկվել, իբր, Արցախին օգնության համար։ Նախօրեից մեքենաները մնացել են Ստեփանակերտ տանող ճանապարհին։
Էմմա Չոբանյան
