07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
ՌԴ-ում Էրդողանի և Պուտինի բանակցությունների արդյունքներով կարող են մի շարք համաձայնագրեր ստորագրվել
Քաղաքականություն
30.08.2023 | 17:55
Ռուսաստանն ու Թուրքիան կարող են մի շարք համաձայնագրեր ստորագրել Սոչիում երկու երկրների նախագահներ Վլադիմիր Պուտինի և Ռեջեփ Թայիփ Էրդողանի ծրագրված բանակցություններից հետո։ Այս մասին ՏԱՍՍ-ին հայտնել է Անկարայում աղբյուրը։
«Կա հավանականություն, որ Թուրքիան և Ռուսաստանը կարող են մի շարք համաձայնագրեր ստորագրել առաջնորդների բանակցությունների արդյունքներով։ Իհարկե, դա կարող է նոր խթան հաղորդել երկու երկրների հարաբերությունների զարգացմանը։ Այնուամենայնիվ, ամեն ինչ կախված կլինի երկկողմ բանակցությունների արդյունքներից»,- ասել է աղբյուրը։
Հիշեցնենք, որ Թուրքիայի նախագահ Ռեջեփ Թայիփ Էրդողանի ղեկավարած «Արդարություն և զարգացում» կուսակցության խոսնակ Օմեր Չելիքը հայտարարել է առաջիկայում Սոչի կատարելիք այցի մասին և հույս հայտնել, որ այցը դրական զարգացումներ կբերի Սևծովյան հացահատիկային գործարքի հետ կապված։
«Առաջիկա օրերին նա կայցելի Սոչի։ Մենք կարծում ենք, որ այս այցից հետո նոր զարգացումներ կլինեն»,- լրագրողներին ասել էր Չելիքը՝ հավելելով, որ այցը կարող է հանգեցնել գործարքի վերականգնման ջանքերի նոր փուլի։
Չելիքն այցի ժամանակացույցի վերաբերյալ տեղեկություններ չի հայտնել։
Մամուլում էլ տեղեկություններ են շրջանառվում, որ Էրդողանի այցը նախատեսվում է սեպտեմբերի 4-ին։
Էմմա Չոբանյան
