03.10.2026 | 15:55
Օդի ջերմաստիճանը հողի մակերևույթին կնվազի մինչև −4°C
Երևանում հավաքարարների թիվը պետք է ավելացնել․140 հաստիք ենք ավելացրել․ Գալջյան․ ՏԵՍԱՆՅՈՒԹ
Տնտեսություն
30.08.2023 | 13:42
«Մեր նախընտրական ծրագրում կա կետ, որով մենք պատրաստվում ենք կոնսերվացնել Նուբարաշենի աղբավայրը և ստեղծել նոր աղբավայր։ Մենք նաև պատրաստվում ենք ավելացնել աղբի տեսակավորման ծավալները․ այս պահին 140 վայրում կա տեղադրված, նախատեսում ենք կրկնապատկել այդ թիվը և մոտ 3000-ի հասցնել աղբի տեսակավորման աղբամանների քանակը»,- «Մաքրում ենք Երևանը. աղբահանության խնդիրները և ավագանու թեկնածուների առաջարկները» թեմայով քննարկման ժամանակ այս մասին նշեց «Քաղաքացիական պայմանագիր» կուսակցության Երևանի ավագանու թեկնածու Արմեն Գալջյանը։
Նա նաև հավելեց, որ նախատեսվում է իրազեկման աշխատանքներ իրականացնել, որպեսզի հասարակությունը կարողանա հասկանալ, թե ինչպես կարող է օգնել քաղաքապետարանին, որպեսզի ավելի մաքուր քաղաք ունենանք։
Գալջյանը հավելեց, որ Երևանում հավաքարարների թիվը պետք է ավելացնել․ 140 հաստիք է ավելացվել․ «Հավաքարարների համալրման գործընթացից հետո, որն այդքան էլ հեշտ չէ, կունենանք սանմաքրման ոլորտում ավելի լավ պատկեր»։
Մանրամասները՝ տեսանյութում։
