04.06.2026 | 10:34
Իսրայելն ու Լիբանանը համաձայնության են եկել հրադադարի շուրջ․ ԱՄՆ Պետքարտուղարություն
Սպիտակ տունը հայտնել է, թե ով կարող է կանգնած լինել Պրիգոժինի օդանավի կործանման հետևում
Քաղաքականություն
30.08.2023 | 17:12
Սպիտակ տունը կարծում է, որ ռուսական «Վագներ» ռազմականացված խմբավորման ղեկավար Եվգենի Պրիգոժինի մահվան հետևում կարող է կանգնած լինել Կրեմլը։ Այս մասին ասել է Սպիտակ տան մամուլի քարտուղար Կարին Ժան Պիերը, փոխանցում է Sky-ը։
«Մենք բոլորս գիտենք, որ Կրեմլը հակառակորդներին սպանելու երկար պատմություն ունի»,- ընդգծել է Ժան Պիերը։
Ավելի վաղ էլ ԱՄՆ նախագահ Ջո Բայդենը ենթադրություն էր հայտնել, որ «Վագներ» ռազմականացված խմբավորման առաջնորդի օդանավի վթարի հետևում կարող է կանգնած լինել Պուտինը։ Նա նշել էր, որ հստակ չգիտի, թե ինչ է տեղի ունեցել, բայց «չի զարմացել կատարվածից»։
Հայտնի է, որ Պրիգոժինին հուղարկավորել են Սանկտ Պետերբուրգի գերեզմանոցում։ «Վագներ»-ի մամուլի ծառայությունը հայտնել է, որ հրաժեշտի արարողությունն անցել է փակ ձևաչափով։
Հիշեցնենք, որ օգոստոսի 23-ին Ռուսաստանի Դաշնության Տվերի մարզում օդանավ է կործանվել, որում եղել է տասը մարդ, այդ թվում՝ Եվգենի Պրիգոժինը։ Օդանավի անձնակազմի անդամներն ու բոլոր ուղևորները մահացել են։
