06.06.2026 | 10:33
Ըստ մեղադրանքի՝ Նորակերտի նախկին ղեկավարը յուրացրել է շուրջ 40 գույք՝ համայնքի հողեր, շենքեր և ավտոմեքենաներ
ԱՄՆ-ը հայտարարել է Ուկրաինային տրամադրվող ռազմական օգնության նոր փաթեթի մասին
Քաղաքականություն
30.08.2023 | 15:30
ԱՄՆ-ն հայտարարել է, որ Ուկրաինային կտրամադրի ռազմական օգնության հերթական փաթեթը, որի գումարը կկազմի 250 մլն դոլար։ Պետքարտուղար Էնթոնի Բլինքենը հայտնել է, որ այն ներառելու է հակաօդային պաշտպանության AIM-9M հրթիռներ, HIMARS բազմակի հրթիռային համակարգերի արկեր, 155 մմ և 105 մմ տրամաչափի հրետանային արկեր, ականազերծման սարքավորումներ, Javelin համալիրներ, ինչպես նաև այլ հակատանկային համակարգեր և հրթիռներ, DW-ի ռուսական ծառայությունը։
Բացի այդ, Կիևը ստանալու է շտապ օգնության մեքենաներ, զինամթերք՝ ականների և պայթուցիկ պատնեշների հեռացման համար։
«Ամեն օր Ռուսաստանը սպանում է Ուկրաինայի խաղաղ բնակիչներին և ավերում քաղաքացիական ենթակառուցվածնքերը, ինչպես նաև օգտագործում սովը որպես զենք ու խաթարում համաշխարհային պարենային անվտանգությունը՝ ավերելով քաղաքացիական նավահանգիստներն ու Ուկրաինայի հացահատիկային ենթակառուցվածքները»,- ասել է Բլինքենը։
Նա նաև նշել է, որ պատերազմը սկսել է Ռուսաստանը, և այն կարող է ավարտել ցանկացած պահի՝ իր զորքերը դուրս բերելով Ուկրաինայից ու դադարեցնելով հարձակումները։
«Քանի դեռ դա չի արել, Միացյալ Նահանգները, մեր դաշնակիցներն ու գործընկերները Ուկրաինայի հետ կլինեն այնքան ժամանակ, որքան կպահանջվի»,- հավելել է ԱՄՆ պետքարտուղարը։
Էմմա Չոբանյան
