20.06.2026 | 19:55
Նյու Յորքում հրդեհ է բռնկվել պատմական հուշարձանի կարգավիճակ ունեցող եկեղեցում, փլուզվել է զանգակատունը
Հերթական ռազմական հեղաշրջումն Աֆրիկայում. Գաբոնում զինվորականները տապալել են նախագահ Ալի Բոնգոյի կառավարությունը
Քաղաքականություն
30.08.2023 | 14:53
Աֆրիկայում նոր ռազմական հեղաշրջում է տեղի ունեցել. Գաբոնում զինվորները տապալել են նախագահ Ալի Բոնգոյի կառավարությունը վիճելի ընտրություններից ընդամենը մի քանի օր անց: Մի խումբ բարձրաստիճան սպաներ այսօր հայտնվել են տեղական հեռուստատեսության եթերում և հայտարարել, որ իշխանությունն իրենց ձեռքն են վերցնում, գրում է DW-ի ռուսական ծառայությունը։
Օգոստոսի 26-ին տեղի ունեցած ընտրությունները, պուտչիստների կարծիքով, անարդար են եղել, դրանց արդյունքները չեղյալ են հայտարարվել։ Ներկայիս պետական իշխանությունը ցրվել է, Գաբոնի սահմանները փակ են ելքի և մուտքի համար՝ մինչև հետագա ծանուցումը։
Ավելի վաղ Գաբոնի ընտրական հանձնաժողովը Բոնգոյին հայտարարել էր նախագահական ընտրությունների հաղթող։ Պաշտոնական տվյալներով՝ նրա օգտին քվեարկել է ընտրողների 64,27 տոկոսը։
Ալի Բոնգոյի ընտանիքը 56 տարի ղեկավարել է նավթով հարուստ Գաբոնը։ Այս երկրում առաջին անգամ նախագահական, խորհրդարանական և համայնքային ընտրություններ են անցկացվել միաժամանակ։
Հիշեցնենք, որ հուլիսի վերջին էլ զինվորականները Նիգերում էին հեղաշրջում կատարել։ Նրանք ռազմական հեղաշրջումն արդարացրել են անվտանգության և տնտեսական պայմանների վատթարացմամբ, ինչպես նաև մոլեգնող կոռուպցիայով: Արևմուտքը խստորեն դատապարտել է Նիգերում տեղի ունեցած հեղաշրջումը։
