01.09.2026 | 13:59
Դպրոցներում ու բուհերում անձնական տվյալների մշակումը պետք է լինի օրինական և համաչափ․ ԱՏՊԳ
Ալիևը Մակրոնի հետ զրույցում Լաչինի միջանցքի բացման իր պայմաններն է ներկայացրել
Քաղաքականություն
30.08.2023 | 12:52
Ֆրանսիայի նախագահ Էմանուել Մակրոնը նախօրեին ՀՀ վարչապետ Նիկոլ Փաշինյանի հետ հեռախոսազրույցից հետո զրույցել է նաև Ադրբեջանի նախագահ Իլհամ Ալիևի հետ։
Ըստ ադրբեջանական կողմի հաղորդագրության՝ քննարկվել է տարածաշրջանում տիրող իրավիճակը, Լաչինի միջանցքի, ինչպես նաև Աղդամի ճանապարհի հարցը։ Ալիևը բողոքել է, թե «Հայաստանի ու Արցախի իշխանությունները նպատակաուղղված արհեստական խոչընդոտներ են ստեղծում Աղդամի ճանապարհի շահագորման համար և այն օգտագործում քաղաքական մանիպուլյացիաների համար»։
Ադրբեջանի նախագահը նաև դժգոհել է, որ Հայաստանը Արցախին օգնության համար 400 տոննա մարդասիրական բեռներ է ուղարկել «քաղաքական շահարկումների նպատակով, առանց Ադրբեջանի հետ պայմանավորվածության»։ Ալիևը նաև ասել է, թե Ադրբեջանը Արցախի ներկայացուցիչներին հրավիրել է Բաքու և Ադրբեջանի այլ քաղաքներ՝ «քննարկելու վերաինտեգրման հարցերը, սակայն նրանք մերժել են նաև այդ առաջարկը»։
Ալիևը նաև հայտնել է նաև ապօրինաբար շուրջ 9 ամիս արգելափակած Լաչինի միջանցքը բացելու պայմանը։ Նա նշել է, թե Աղդամի ճանապարհի բացումից հետո միջանցքը կարող է շահագործվել «Ադրբեջանի մաքսային և սահմանային ռեժիմի կանոնների պահպանմամբ»։
Հավելենք, որ ֆրանսիական կողմը Հայաստանի ու Ադրբեջանի ղեկավարների հետ Մակրոնի զրույցների վերաբերյալ դեռ հաղորդագրություններ չի տարածել։
Էմմա Չոբանյան
