15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
Ռուսական կողմը հայտնում է ԱԹՍ-ների զանգվածային հարձակման մասին․ Պսկովի օդանավակայանում չորս ԻԼ76 ինքնաթիռ է վնասվել
Քաղաքականություն
30.08.2023 | 11:46
Ռուսաստանի Կենտրոնական դաշնային օկրուգի հինգ շրջանները և Սևաստոպոլը ենթարկվել են մարտական անօդաչու թռչող սարքերի հարձակմանը, գրում է BBC-ի ռուսական ծառայությունը՝ հղում անելով տեղական իշխանությունների ներկայացուցիչներին։
Պատերազմի սկզբից ի վեր առաջին անգամ Ռուսաստանի մի քանի շրջաններ անօդաչու թռչող սարքերի կողմից նման զանգվածային հարձակման են ենթարկվել գրեթե միաժամանակ։ Դրանցում ներգրավված անօդաչուների թիվը դեռ հայտնի չէ։ Վնասի չափը ճշտվում է, սակայն, ըստ նախնական տեղեկությունների, բնակչության շրջանում տուժածներ չկան։
Մոսկվայի ժամանակով մոտ 0.30-ին Պսկովի մարզի նահանգապետը հայտնել է, որ Պսկովի օդանավակայանի վրա անօդաչու թռչող սարքի հարձակումը հետ է մղվել, զոհեր և վիրավորներ չկան։ Հարձակումից հետո հրդեհ է բռնկվել,որը տեղայնացվել է։ Որոշ տեղեկությունների համաձայն առնվազն չորս Իլ-76 ինքնաթիռ վնասվել կամ շարքից հանվել են: Թռիչքները օդանավակայանում չեղարկվել են մինչև հինգշաբթի՝ թռիչքուղին ստուգելու և վերականգնելու համար։
Մոսկվայի ժամանակով ժամը 1.45-ի սահմաններում ՌԴ ՊՆ-ն հայտնել է ուկրաինական երեք անօդաչու թռչող սարքի ոչնչացման մասին Բրյանսկի մարզում և մեկը Օրյոլի շրջանում։ Ավելի ուշ Բրյանսկի և Օրյոլի նահանգապետերը հայտնել են, որ մարզերում տուժածներ չկան։ Բրյանսկում խոցված անօդաչու թռչող սարքերից մեկն ընկել է «Կրեմնի» գործարանի վրա՝ հրդեհի պատճառ դառնալով։ Օրյոլի շրջանի ղեկավարը հայտնել է, որ շրջանում երկու անօդաչու թռչող սարք են խոցել։
ՌԴ ՊՆ-ն հայտնել է, որ Մոսկվայի ժամանակով ժամը 02:00-ի սահմաններում Կալուգայի շրջանի վրա մեկ այլ անօդաչու թռչող սարք է ոչնչացվել։
Մոսկվայի ժամանակով ժամը 03:10-ին Սևաստոպոլի նահանգապետը հայտնել է, որ անօդաչու թռչող սարքերի հարձակումը ծովից հետ է մղվել Սևաստոպոլի ծոցի տարածքում։ Գրեթե միաժամանակ ՌԴ ՊՆ-ն հայտնել է, որ Ռյազանի շրջանում ևս խոցվել է ուկրաինական անօդաչու թռչող սարք։
