Մենք երբևէ չենք թաքցրել, որ մեր գումարների մի մասը հափշտակվել է․ դեսպան Սվիտալսկին՝ ՀՀ-ում կոռուպցիոն մեխանիզմների մասին․ ՏԵՍԱՆՅՈՒԹ

Հայաստանում ԵՄ պատվիրակության ղեկավար, դեսպան Պյոտր Սվիտալսկիին այսօր հրավիրված մամուլի  ասուլիսի ժամանանկ լրագրողները հարց ուղղեցին՝ արդյոք չկա մտավախություն, որ այն միլիոնավոր եվրոները, որոնք ԵՄ-ը հատկացնում է ՀՀ-ին, կարող են օգտագործվել կոռուպցիոն սխեմաների համար։

Հարցին ի պատասխան, դեսպանը նշեց,  որ 2018 թվականի ապրիլ-մայիս ամիսներին անցկացված սոցհարցման համաձայն՝ հարցված ՀՀ քաղաքացիների 55 տոկոսը հավատում է իրենց կողմից իրականացվող աշխատանքներին,  ԵՄ-ն հանձնառու է պայքարելու կոռուպցիայի դեմ, իսկ  2017-ին ֆինանսավորել է արշավ կոռուպցիայի դեմ:

«Եվրամիությունն ամենախիստն է եղել մեր սեփական գումարների հետ կապված կոռուպցիոն մեխանիզմների բացահայտման ուղղությամբ, և մեր միջոցներով բացահայտվեցին հափշակության դեպքեր 30 ծրագրերում, դրանք տարվեցին հետաքննության: Մենք՝ Եվրամիությունը, բացահայտեց այս հափշտակության դեպքերը։ Ես չեմ կարող հիշել մեկ այլ միջազգային դրամաշնորհատու, որը գործում է Հայաստանում և որն այսքան խիստ և հետևողական կլինի այս դեպքերի բացահայտման  մեջ, այսքան հանրային և թափանցիկ կլինի դրանց մասին հաղորդումներում։ Մենք երբևէ չենք թաքցրել, որ մեր գումարների մի մասը հափշտակվել է»,- ասաց ՀՀ-ում ԵՄ պատվիրակության դեսպան Պյոտոր Սվիտալսկին։ 

Խոսելով հակակոռուպցիոն գործիքակազմի մասին՝  դեսպանն առանձնացրեց անկախ հակակառուպցիոն հանձնաժողովի ստեղծումը, որը հիմնվել է Եվրամիության աջակցությամբ։

«Ազդարարի պաշտպանության օրենսդրությունն այն է, ինչը պնդեց Եվրամիությունը։ Այդ հանձնաժողովը գործում էր նախորդ Կառավարությանը կից և Կառավարությունը փորձում էր մեզ ասել, որ իրենք կարող են իրականացնել այդ աշխատանքները, մենք դա չընդունեցինք, քանի որ չէինք հավատում, որ իրենք անկախ  են և շատ հստակ դրա մասին խոսեցինք»,- ասաց նա:

Մանրամասները՝ տեսանյութում։