27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Ժամ առ ժամ ավելացող նամակներից ոչ մեկը չի անտեսվելու. «Իմ քայլը» հիմնադրամ
Հասարակություն
16.07.2018 | 11:43
«Իմ քայլը» հիմնադրամը ֆեյսբուքի իր էջում հայտարարություն է տարածել, որը ներկայացնում ենք ստորև.
«Սիրելի բարեկամներ,
«Իմ քայլը» հիմնադրամի գործունեության մեկնարկի մասին հայտարարելու պահից մենք հարյուրավոր նամակներ ենք ստացել՝ խնդրանքներ, հորդորներ, համագործակցության առաջարկներ: Մեծ պատասխանատվություն և պատիվ է՝ ձեզ հետ կիսել ձեր հոգսերը, մտահոգությունները, ծանոթանալ ձեր գործունեությանն ու լսել ձեր առաջարկները: Դժբախտաբար, խնդրագրերի զգալի մասը չի առնչվում մեր նորաստեղծ ու դեռ կազմավորման փուլում գտնվող հիմնադրամի առաքելությանն ու նպատակներին, այլ թերևս պետք է ուղղվի համապատասխան պետական պատկան մարմիններին:
Այնուամենայնիվ, ուզում ենք վստահ լինեք՝ ժամ առ ժամ ավելացող նամակներից ոչ մեկը չի անտեսվելու. մենք աստիճանաբար ուսումնասիրելու ենք դրանք բոլորը՝ փորձելով մեր հնարավորությունների սահմաններում առնվազն խորհրդատվական օժանդակություն ցուցաբերել: Շնորհակալ ենք ձեր արձագանքների համար: Մենք միասին կարող ենք անել անհնարինը»,- ասված է հայտարարության մեջ:
