03.04.2026 | 23:13
NASA-ն հրապարակել է Երկրի նոր լուսանկարը
ՌԴ-ում ԱԴԾ-ին պատկանող ուղղաթիռ է կործանվել
Քաղաքականություն
29.08.2023 | 17:41
ՌԴ Չելյաբինսկի մարզում Մի-8 ուղղաթիռ է կործանվել։ Առայժմ հայտնի է անձնակազմի երեք անդամի զոհվելու մասին։ Այս մասին հայտնել է Չելյաբինսկի նահանգապետ Ալեքսեյ Տեկսլերը, գրում է Կոմերսանտը։
Նրա խոսքով՝ ուղղաթիռը պատկանում էր Ռուսաստանի ԱԴԾ-ին։
«Չելյաբինսկի մարզի Սոսնովսկի շրջանի Կրասնոյե Պոլյեի մոտ Մի-8 ուղղաթիռ է կործանվել։ Ուղղաթիռը պատկանում էր ԱԴԾ ավիաջոկատին։ Բնակիչները և բնակելի շենքերը չեն տուժել»,- գրել է Տեկսլերը Տելեգրամի իր ալիքում։
Հաղորդվում է, որ ուղղաթիռը կործանվել է Պրուդնի բնակավայրի մոտ։
Արտակարգ իրավիճակների ծառայություններից ՏԱՍՍ-ին հայտնել են, որ նախնական տվյալներով՝ Մի-8 ուղղաթիռի կործանման պատճառը եղել է տեխնիկայի խափանումը ուսումնամարզական թռիչքի ժամանակ, որի ընթացքում օդաչուները մշակել են «թռիչք-վայրէջք» մանևրը։ ԱԻՆ-ից ավելի ուշ հայտնել են, որ ուղղաթիռի կործանման վայրում կրակը չեզոքացվել է, հայտնաբերվել է երեք դի։
Էմմա Չոբանյան
