15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
ՌԴ զորքերի հերթական էշելոնը ժամանել է Բելառուս՝ մասնակցելու ՀԱՊԿ զորավարժություններին
Քաղաքականություն
29.08.2023 | 18:14
Ռուսաստանի Դաշնության զինված ուժերի հերթական էշելոնը ժամանել է Բելառուս՝ Հավաքական անվտանգության պայմանագրի կազմակերպության (ՀԱՊԿ) զորավարժությունների համար, որի կազմում են նաև Հայաստանը, Ղազախստանը, Ղրղզստանը և Տաջիկստանը։ Այս մասին օգոստոսի 29-ին Telegram-ում հայտնել է «Беларускі Гаюн»-ը։
«Այսօր՝ ժամը 07:30-ի սահմաններում, Բրեստ է ժամանել ՌԴ ԶՈւ զինվորականների ևս մեկ այլ էշելոն, որը Բելառուս մասնակցելու է ՀԱՊԿ արագ արձագանքման ուժերի հետ համատեղ վարժանքներին, որը կանցկացվի Բելառուսում սեպտեմբերի 1-ից 6-ը»,- ասվում է զեկույցում։
Դիտորդական խմբի տվյալներով՝ սա արդեն ՌԴ ԶՈւ երկրորդ էշելոնն է, որը ժամանել է Բրեստ․ առաջինը ժամանել էր օգոստոսի 18-ի երեկոյան։
Հիշեցնենք, որ Բելառուսի տարածքում սեպտեմբերի 1-6-ը կանցկացվեն «Մարտական եղբայրություն-2023» համատեղ օպերատիվ-ռազմավարական զորավարժություններ՝ համատեղելով ՀԱՊԿ Հավաքական ուժերի տարբեր բաղադրիչների պատրաստումը։ Տաջիկստանից և Ղրղզստանից զինվորականներ արդեն ժամանել են վարժանքներին։
