25.02.2026 | 20:10
10 հազարի ուժը․ սոցիալական քայլ, թե նախընտրական հաշվարկ. ՏԵՍԱՆՅՈՒԹ
Պեսկովը հայտարարել է, որ Պուտինը չի մասնակցելու Պրիգոժինի հուղարկավորությանը
Քաղաքականություն
29.08.2023 | 15:32
ՌԴ նախագահ Վլադիմիր Պուտինը չի մասնակցելու «Վագներ» մասնավոր ռազմական խմբավորման ղեկավար Եվգենի Պրիգոժինի հուղարկավորությանը, գրում է Meduza-ն։
«Նախագահի ներկայությունը չի նախատեսվում»,- լրագրողների հետ ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։
Նա նաև նշել է, որ Կրեմլը կոնկրետ տեղեկատվության չի տիրապետում Պրիգոժինի հուղարկավորության վերաբերյալ։
«Ամեն դեպքում, այդ մասով որոշումը կայացնում են հարազատներն ու մտերիմները։ Մենք չենք կարող որևէ բան խոսել առանց նրանց»,- ասել է Պեսկովը։
Հիշեցնենք, որ օգոստոսի 23-ին Տվերի մարզում վթարի էր ենթարկվել Եվգենի Պրիգոժինին պատկանող մասնավոր օդանավը։ Վթարի հետևանքով զոհվել է 10 մարդ՝ 7 ուղևոր և անձնակազմի 3 անդամ:
Ըստ մամուլում տարածվող տեղեկությունների՝ Եվգենի Պրիգոժինի հուղարկավորությունը կարող է տեղի ունենալ օգոստոսի 29-ին։
Էմմա Չոբանյան
