20.06.2026 | 19:55
Նյու Յորքում հրդեհ է բռնկվել պատմական հուշարձանի կարգավիճակ ունեցող եկեղեցում, փլուզվել է զանգակատունը
Մայքլ Նակին և Ռուսլան Լևիևը հեռակա դատապարտվել են 11 տարվա ազատազրկման
Քաղաքականություն
29.08.2023 | 13:53
Մոսկվայի Բասմանի դատարանը 11 տարվա ազատազրկման է դատապրտել Conflict Intelligence Team նախագծի հիմնադիր Ռուսլան Լևիևին (Կարպուկ) և լրագրող Մայքլ Նակիին (երկուսն էլ գրանցված են «օտարերկրյա գործակալների» ցանկում, իսկ Կոնֆլիկտային հետախուզության թիմը հայտարարվել է անցանկալի կազմակերպություն): Ե՛վ Նակին, և՛ Լևիևը գտնվում են Ռուսաստանի սահմաններից դուրս, գրում է BBC-ի ռուսական ծառաձությունը։
Բացի այդ, դատարանը 5 տարով արգելել է Նակիին և Լևիևին կայքեր ղեկավարել։
Լևիևի և Նակիի գործով լսումները պետք է տեղի ունենային օգոստոսի 16-ին, սակայն հետագայում պարզվեց, որ գործը փոխանցվել է այլ դատավորի և ուղարկվել նոր դատաքննության։ Այդ ամենի համար երկու շաբաթից էլ քիչ ժամանակ պահանջվեց:
Քրեական գործը՝ մի խումբ անձանց կողմից «մեղադրող կողմի ապացույցների արհեստական ստեղծմամբ» ռազմական «կեղծիքներ» տարածելու հոդվածով (ՌԴ Դաշնության Քրեական օրենսգրքի 207.3-րդ հոդվածի 2-րդ մասի «գ» կետ) Նակիի և Լևիևի նկատմամբ, ովքեր կանոնավոր զեկույցներ են հրապարակում YouTube-ում Ուկրաինայում ռազմական գործողությունների ընթացքի մասին, նախաձեռնվել է անցյալ տարվա մարտին։
Գործի համար առիթ է հանդիսացել մի տեսանյութ, որտեղ Նակին և Լևիևը վերլուծել են Ուկրաինայի դեմ Ռուսաստանի պատերազմի իններորդ օրվա արդյունքները։ 2022 թվականի մայիսին Մոսկվայի դատարանը նրանց հեռակա ձերբակալել և հետախուզում է հայտարարել։
