Քննարկվել է նաև նախագահի պաշտոնում իմ մնալ-չմնալու հարցը․ վաղը, մյուս օրը ավելի նեղ կազմով կորոշենք․ Արայիկ Հարությունյան․ ՏԵՍԱՆՅՈՒԹ

Լուրեր

18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
Բոլորը

Օգոստոսի 28-ին Լաչինի միջանցքում ապօրինի տեղադրված ադրբեջանական անցակետից առևանգվել էր Արցախից երեք քաղաքացի։ Այս միջադեպից հետո Ստեփանակերտում բողոքի մեծ ալիք էր բարձրացել, Վերածննդի հրապարակում ամբողջ գիշեր հավաքված են մնացել բազմաթիվ քաղաքացիների և հստակ որոշումներ են պահանջել ԱՀ նախագահ Արայիկ Հարությունյանից։ Արցախի խորհրդարանում 6 ժամ տևողությամբ փակ քննարկում է տեղի ունեցել, որին մասնակցել են Արայիկ Հարությունյանը, ԱՀ նախկին նախագահներ Բակո Սահակյանը, Արկադի Ղուկասյանը և Սամվել Բաբայանը։

Հանդիպումից հետո Արայիկ Հարությունյանը բազմության առաջ ելույթ է ունեցել՝ մանրամասներ ներկայացնելով փակ հանդիպումից։ Նա նշել է, որ երեք հարց է քննարկվել, որոնցից առաջինը վերաբերել է առևանգված տղաներին։ «Հուսադրող լավ լուրեր ունեմ, բայց չեմ բարձրաձայնի։ Առավոտյան առաջին հերթին կապ եմ ստեղծելու մեր բալիկների հետ և իրենց ներկայությամբ ստանամ հստակ օր, որը շատ երկար չի լինելու, որ իրենց բերելու են և թողնելու են Ստեփանակերտում»,-հայտարարեց Արայիկ Հարությունյանը՝ նշելով, որ օգոստոսի 29-ի առավոտյան պետք է հանդիպի առևանգված տղաների ծնողների հետ։
Նիստի ժամանակ քննարկվել է նաև հացի խնդիրը` ճանապարհի բացման անհրաժեշտությունն ու առաջիկա օրերին իր հնարավոր հրաժարականի հարցը։ «Սով, ամեն ինչի պակաս, մահվան ամեն 3-րդ դեպք թերսնման հետևանքով է, մեր հղիները կորցնում են իրենց չծնված երեխաներին։ Ինչի՞ ենք ուշացել, դուք կարող եք վիրավորել ինձ, քննադատել, բայց ուզում եմ ներողամիտ լինեք։ Հասել ենք այս վիճակին, որովհետև հավատացել ենք բոլորին` գերտերություններին, ՄԱԿ-ին»,- ասել է Արայիկ Հարությունյանը` հավելելով, որ 6 ժամ տևած քննարկման արդյունքում միասնական որոշման հասնել չեն կարողացել, բայց ինքը, որպես նախագահ, պետք է տեղեկացնի, որ մի քանի օրում հացի խնդիրը լուծվելու է։

Արայիկ Հարությունյանն անդրադարձել է նաև իր հնարավոր հրաժարականին։ «Այսօր քննարկվել է նաև նախագահի պաշտոնում իմ մնալ-չմնալու հարցը։ Վաղը, մյուս օրը ավելի նեղ կազմով կորոշենք, եթե պետք լինի, որ ես հրաժարական տամ»,-ասել է Հարությունյանը՝ չնշելով, թե ում հետ է քննարկելու։