27.02.2026 | 23:31
Ստեփանծմինդա-Լարս ավտոճանապարհը փակ է
Ռուսական ռազմական հրամանատարությունն էլիտար զորքերը տեղակայում է ռազմաճակատի կարևոր հատվածներում. ISW
Քաղաքականություն
29.08.2023 | 13:31
Պատերազմի ուսումնասիրման ամերիկյան ինստիտուտն (ISW) իր ամենօրյա զեկույցում գրել է, որ ռուսական ռազմական հրամանատարությունը շարունակում է էլիտար օդադեսանտային զորքերը «վատնել» ուկրաինական հակահարձակման համար խոցելի դիրքերը պաշտպանելու նպատակով:
Օգոստոսի 27-ին հրապարակված աշխարհագրական կադրերը ցույց են տալիս, որ ռուսական ռազմական հրամանատարությունը տեղակայել է օդադեսանտային ուժերի 76-րդ գվարդիական օդային հարձակման ստորաբաժանումները՝ Ռաբոտինի շրջանում ռուսական դիրքերն ամրապնդելու համար:
ISW-ն ավելի վաղ նշել էր, որ գործնականում բոլոր ռուսական օդադեսանտային ստորաբաժանումները տեղակայված են այն տարածքներում, որտեղ ուկրաինական ուժերը հակահարձակողական գործողություններ են իրականացնում, և այս վերաբաշխումը ցույց է տալիս, որ էլիտար ռուսական ստորաբաժանումներն օգտագործվում են առաջնագծի կարևոր հատվածներն ամրապնդելու համար:
Ավելի վաղ ռուսական հրամանատարությունը Խերսոնի շրջանից Օդադեսանտային ուժերի 7-րդ գվարդիական դիվիզիան տեղակայել էր Զապորոժիեի շրջանի արևելքում և արևմուտքում ռուսական պաշտպանությանն աջակցելու համար, իսկ Լուգանսկի շրջանի այլ օդադեսանտային ուժեր տեղակայվել էին Բախմուտի եզրերին՝ ուկրաինական հակահարձակումից պաշտպանելու համար։
Ռուսական ռազմական հրամանատարությունը և՛ հարձակողական, և՛ պաշտպանական առումով մշտապես հենվել է օդադեսանտային ուժերի կազմավորումների վրա։ Դա կթուլացնի բարդ պաշտպանական գործողություններ իրականացնելու Ռուսաստանի կարողությունը և գրեթե անխուսափելիորեն կխափանի նույն մասշտաբով հարձակողական գործողությունները վերսկսելու Մոսկվայի ցանկացած մտադրություն, գրում են ISW փորձագետները:
