03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Տիգրան Բալայանը՝ ադրբեջանական կողմում հայտնված հայ քաղաքացուն Հայաստան վերադարձնելու մասին
Քաղաքականություն
16.07.2018 | 11:28
ԱԳՆ մամուլի խոսնակ Տիգրան Բալայանն այսօր լրագրողների հետ ճեպազրույցում, անդրադառնալով ադրբեջանական կողմում հայտնված ՀՀ քաղաքացու առողջական խնդիրներին, նշեց, որ այդ քաղաքացին այնպիսի առողջական խնդիր ունի, որի պատճառով էլ բանակ չի զորակոչվել:
«Ամբողջ փաստաթղթերը ներկայացվել են Կարմիր խաչ: Պաշտպանության նախարարությունը կապ է պահպանում Կարմիր խաչի հետ, այլ միջոցներով ևս աշխատանքներ են տարվում, որպեսզի մեր քաղաքացուն հնարավորինս արագ և անվտանգ վերադարձնենք Հայաստան: Այս պահի դրությամբ, սակայն, որևէ առաջընթացի մասին չեմ կարող հայտնել»,- ասաց խոսնակը։
Տիգրան Բալայանը ասաց, որ ադրբեջանական կողմը հոգեկան խնդիր ունեցող քաղաքացուն ներկայացնում է որպես դիվերսանտ և նշեց, որ նմանատիպ որակումներ հակառակորդը տվել է և՛ 70-ն անց ծերունիներին, և՛ սահմանին հայտնված հովվին, այնպես որ սա հակառակորդի վարած քաղաքականության ևս մեկ դրսևորում է։
Հիշեցնենք, որ ադրբեջանական կողմը երեկ տեղեկություն էր տարածել, թե Ղազախի շրջանում հայկական կողմից դիվերսիոն ներթափանցման փորձ են կասեցրել ու գերեվարել «հայ հետախույզ», 1984 թ. ծնված Կարեն Ղազարյանին:
