15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
Իսրայելի ԱԳ նախարարի հետ գաղտնի հանդիպման համար Լիբիայի ԱԳ նախարարին հեռացրել են աշխատանքից
Քաղաքականություն
28.08.2023 | 21:20
Լիբիացիները փողոցային բողոքի ցույցերով ու անկարգություններով են արձագանքել Իսրայելի և Լիբիայի ԱԳ նախարարների հանդիպման մասին լուրերին։ Ցույցեր են անցկացվել Տրիպոլիում և երկրի արևմուտքում գտնվող այլ խոշոր քաղաքներում, գրում է Euronews-ը։
Հաղորդվում է, որ Կառավարության ղեկավար Աբդել Համիդ Ջեյբան պաշտոնանկ է արել ԱԳ նախարարին։ Պատճառը եղել է Նաջլի Ալ-Մանգուշի գաղտնի հանդիպումը Իսրայելի ԱԳ նախարար Էլ Քոենի հետ։
Երկու երկրների ԱԳ նախարարները պատմության մեջ առաջին անգամ բանակցություններ էին անցկացրել Իտալիայում անցյալ շաբաթ։
Իսրայելը հայտնում է, որ կողմերը քննարկել են Լիբիայի հրեական համայնքի ժառանգության պահպանման կարևորությունը, ներառյալ՝ սինագոգների և գերեզմանատների վերակառուցումը, հումանիտար հարցերի շուրջ համագործակցությունը, գյուղատնտեսության ու ջրի կառավարման հարցերը։
Տրիպոլին էլ իր հերթին հանդիպումն անվանել է «անպատրաստ», «ոչ պաշտոնական» և «պատահական»: Իշխանություններն ասում են, որ Ալ-Մանգուշի և Քոենի միջև փոխգործակցությունը չի ներառում «ոչ մի բանակցություն, համաձայնություն կամ խորհրդակցություն»:
Հավելենք, որ երկու երկրների միջև դիվանագիտական հարաբերություններ հաստատված չեն։ Լիբիան չի ճանաչում Իսրայելի անկախությունը։
