18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Կրեմլը հաստատում է․ շուտով տեղի կունենա Պուտինի ու Էրդողանի հանդիպումը
Քաղաքականություն
28.08.2023 | 18:56
Ռուսաստանի ու Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպումը տեղի է ունենալու շուտով, գրում է ՏԱՍՍ-ը։ Ըստ գործակալաության ՝ այդ մասին հայտնել է ՌԴ նախագահի մամուլի խոսնակ Դմիտրի Պեսկովը՝ նշելով, որ հանդիպման վայրը և տեղը կհայտարարվի ավելի ուշ։
«Հանդիպումը տեղի կունենա շուտով։ Մենք ժամանակին այդ մասին կհայտնենք»,-ասել է Պեսկովը՝ պատասխանելով հարցին, թե արդյո՞ք բանակցությունները կարող են տեղի ունենալ Ռուսաստանի տարածքում։ Պեսկովը հստակեցրել է, որ դեռ չի կարող լրացուցիչ մանրամասներ հայտնել։
«Կան որոշակի պայմանավորվածությունններ հայտարարման ժամկետների վերաբերյալ և մենք մտադիր ենք այդ պայմանավորվածությունները պահպանել»,-ասել է Կրեմլի խոսնակը։
Նշենք,որ մամուլում տեղեկություններ են տարածվում, որ Պուտինի ու Էրդողանի հանդիպումը նախատեսվում է Սոչիում սեպտեմբերի 4-ին։ Ավելի վաղ Էրդողանը մի քանի անգամ հայտարարել էր, որ Պուտինն է պատրաստվում օգոստոսին այցելել Թուրքիա։
