03.04.2026 | 21:50
Մակրոնը հայտարարել է, որ Եվրոպայի դաշնակիցները պետք է միավորվեն ԱՄՆ-ի և Չինաստանի դեմ
Ֆրանսիան արգելելու է դպրոցներում մահմեդական հագուստի կրումը
Քաղաքականություն
28.08.2023 | 13:39
Ֆրանսիայի դպրոցներում արգելվելու է մահմեդական ավանդական հագուստի՝ աբայայի կրումը։ Այս մասին հայտարարել է Ֆրանսիայի կրթության նախարարը, փոխանցում է Euronews-ը։
«Չի կարելի դասարան մտնելուն պես պարզապես նայել աշակերտներին ու որոշել, թե ինչ կրոն են նրանք դավանում»,-ասել է նախարար Գաբրիել Աթալը ֆրանսիական հեռուստաալիքներից մեկի եթերում։ Աբայայն հագուստ է, որն ամբողջովին ծածկում է մարմինը։ Այն կրում են մահմեդական կանայք ու աղջիկները։
Նշվում է, որ այս որոշումն ընդունվել է ամիսների բանավեճերից հետո և կանխատեսվում է, որ դժգոհությամբ է ընդունվելու Ֆրանսիայի շուրջ 5 միլիոնանոց մահմեդական համայնքի կողմից։ Ձախ ուժերի ներկայացուցիչները պնդում են, որ այս միջոցը ոտնձգություն է քաղաքացիական ազատությունների դեմ։ Աջերը, ընդհակառակը, ողջունել են իշխանությունների որոշումը։
Հավելենք, որ Ֆրանսիայում աշխարհիկության սկզբունքի համաձայն՝ ուսումնական հաստատություններում արգելված են խորհրդանիշերը, որոնք ցուցադրում են կրոնական պատկանելությունը։ Համապատասխան օրենքն ընդունվել է դեռևս 2004 թ-ին։
