07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Ուկրաինական զորքերը առաջ են շարժվել Դոնեցկի և Զապորոժիեի շրջաններում
Քաղաքականություն
28.08.2023 | 12:02
Պատերազմի ուսումնասիրման ամերիկյան ինստիտուտը (ISW) կիրակի օրվա իր զեկույցում գրում է, որ Ուկրաինայի հարավում և արևելքում հակահարձակողական գործողությունների նախապատրաստման ֆոնին ուկրաինական ուժերն առաջ են շարժվել Դոնեցկի արևմտյան և Զապորոժիեի շրջանի արևելյան հատվածի սահմանային գոտում և Զապորոժիեի շրջանի արևմտյան մասում։
Հաղորդվում է, որ ուկրաինական զորքերը առաջ են շարժվում Զապորոժիեի շրջանի արևմուտքում՝ Նովոպրոկոպովկայի, Մալայա Տոկմաչկայի և Օչերետուվատեի ուղղությամբ, ինչպես նաև Ուրոժայնոեի և Ռաբոտինոյի շրջանում, շարունակում են հարձակողական գործողությունները նաև Բախմուտի ուղղությամբ։
Միաժամանակ նշվում է, որ Ուկրաինայի հարավում ռուսական պաշտպանական դիրքերի կազմի, դրանց համալրման ու կահավորման վերաբերյալ տեղեկատվության պակասը դժվարացնում է կանխատեսելը, թե ինչպես կանցնի ռազմական գործողությունների հաջորդ փուլը։
Համաձայն ISW-ի վերջին գնահատման՝ այս տեղանքում ռուսական ուժերի բացակայությունը կարող է վկայել այն մասին, որ ռուսական պաշտպանական դիրքերը կարող են ավելի քիչ ամրացված լինել, քան այն դիրքերը, որտեղ արդեն ներթափանցել են ուկրաինական ուժերը հյուսիսում:
«Ռուսական ուժերը զգալի քանակությամբ կենդանի ուժ և ռեսուրսներ են ծախսել մի շարք պաշտպանական դիրքեր պահելու համար, որոնք ներկայումս ճեղքվում են ուկրաինական ուժերի կողմից, և պարզ չէ, թե արդյոք ռուսները կպահպանեն իրենց ունեցած առավելությունները, եթե չկարողանան ուղղել նույն քանակությամբ ռեսուրսներ և անձնակազմ պաշտպանության հաջորդ մակարդակներում»,- գրում են ISW փորձագետները:
