06.08.2026 | 12:30
Ի՞նչ տարբերություն, թե երբ կհրապարակվի Սահամանադրության տեքստը․ Սրբուհի Գալյան. ՏԵՍԱՆՅՈՒԹ
Պայթյուն Ռումինիայի ավտոլցակայաններից մեկում. տուժել է 57 մարդ
27.08.2023 | 14:13
Բուխարեստից 13 կմ հեռավորության վրա գտնվող Կրևեդիա քաղաքի ավտոլցակայանում չորս պայթյուն է տեղի ունեցել, տուժել է 58 մարդ, որոնցից մեկը մահացել է, հայտնում է ՌԻԱ Նովոստին՝ հղում անելով Ռումինիայի արտակարգ իրավիճակների գլխավոր տեսչությանը։
Տուժել է ՆԳՆ 43 աշխատակից, որոնցից 39-ը՝ հրշեջ, երկուսը՝ ոստիկան, ևս երկուսը՝ ժանդարմ։
Տարբեր բուժհաստատություններ է հոսպիտալացվել 54 մարդ։
Առաջին պայթյունը տեղի է ունեցել Կրևեդիայի ավտոլցակայանում շաբաթ երեկոյան։ Երթևեկությունը դադարեցվել է։ Չնայած հրշեջների ջանքերին՝ կրակը տարածվել է գազաբալոնների վրա, ևս մի քանի պայթյուն է տեղի ունեցել։ Փրկարարները 700 մետր շառավղով վտանգավոր գոտուց տարհանել են ավելի քան երեք հազար մարդ։
Ստեղծվել է հակաճգնաժամային կենտրոն, ներգրավվել են շրջակա միջավայրի նախարարության փորձագետներ, որոնց հանձնարարված է հետևել օդի որակին։
