06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Կապանում ավտոմեքենա է գլորվել. կան տուժածներ
27.08.2023 | 10:26
Այս գիշեր ժամը 01։29-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան քաղաքի Գ․ Նժդեհի փողոցում տեղի է ունեցել ՃՏՊ․ կա մեկ զոհ և տուժած, հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Opel Zafira» մակնիշի ավտոմեքենան (վարորդ` Ռ. Ա., ծնված 1976 թ.) դուրս է եկել ճանապարհի երթևեկելի հատվածից, գլորվել և հայտնվել Գ․ Նժդեհի փողոցի տներից մեկի մոտակայքում․ ուղևոր Ա․ Խ․-ն (ծնված 1980 թ.) մահացել է:
Մինչ փրկարարների կանչի վայր հասնելը՝ ուղևոր Ա․ Գ․-ն (ծնված 1983 թ․) հոսպիտալացվել է բժշկական կենտրոն։
Փրկարարներն ավտոմեքենայից դուրս են բերել ուղևոր Վ․ Մ․-ին (ծնված 1980 թ․) և մոտեցրել շտապօգնության ավտոմեքենային․ տուժածը հոսպիտալացվել է բժշկական կենտրոն, որտեղ բժիշկները նրա առողջական վիճակը գնահատել են միջին ծանրության:
