06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ալիևը պնդում է՝ Լաչինում սահմանային անցակետի տեղադրումը եղել է միջազգային իրավունքի շրջանակներում
Քաղաքականություն
26.08.2023 | 18:11
Ադրբեջանի նախագահ Իլհամ Ալիևը հայտարարել է, թե «Բաքուն միջազգային իրավունքին համապատասխան է Հայաստանի հետ սահմանին «Լաչին» սահմանային անցակետ տեղադրել»:
Ինչպես նշում է «Ինտերֆաքս-Ադրբեջանը»` Ալիևն իր ելույթում ընդգծել է, որ անցակետի բացման պատճառով Ադրբեջանը բախվել է ուժեղ ճնշումների և սպառնալիքների:
«Դա շարունակվում է նաև այսօր։ Միջազգային տարբեր կազմակերպությունների շրջանակներում Հայաստանը և նրա նմանները մեր դեմ տարբեր դավադրություններ են հյուսում։ Բայց ոչինչ չի կարող մեզ ստիպել շեղվել մեր ճանապարհից» – հայտարարել է Ալիևը։
«Սահմանային անցակետի հաստատումը նշանակում է մեր տարածքային ամբողջականության լիակատար վերականգնում։ Մենք դա արել ենք միջազգային իրավունքի շրջանակներում, մենք պաշտպանում ենք մեր տարածքը, Մենք պաշտպանում ենք մեր սահմանները և պաշտպանելու ենք դրանք», – ասել է Ադրբեջանի նախագահը։
