15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Հունգարիայի նախագահը փոփոխություններ է կանխատեսել ուկրաինական ճգնաժամի կարգավորման հարցում
Քաղաքականություն
26.08.2023 | 15:10
ունգարիայի նախագահ Կատալին Նովակը ուկրաինական հակամարտության կարգավորման մոտալուտ փոփոխություններ է կանխատեսել։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ն, այդ մասին Հունգարիայի նախագահը հայտարարել է Հռոմի պապ Ֆրանցիսկոսի հետ հանդիպումից հետո։
«Կիևում ես երկար, ուղիղ զրույց ունեցա Զելենսկու հետ, և կարծում եմ, որ ժամանակն է խոսել այն մասին, թե ինչպես կառուցել խաղաղություն։ Ես լիովին համաձայն եմ Հռոմի պապ Ֆրանցիսկոսի հետ, նույնիսկ եթե չեմ կարող այս պահին հրապարակային հայտարարություն անել կոնկրետ ծրագրի գոյության մասին»,- ասել է Նովակը։
Հունգարիայի ղեկավարը նաև հույս է հայտնել, որ Հռոմի պապը առանցքային դեր կխաղա խաղաղ բանակցություններում։ Բացի այդ, նա կարևոր կետ է անվանել այն, որ Ուկրաինայում իրավիճակի կարգավորման հարցերով Պապի բանագնաց Մատեո Զուպին արդեն այցելել է Մոսկվա, Կիև և Վաշինգտոն, բանակցություններ է վարել առանցքային դեմքերի հետ։
