15.09.2026 | 21:24
Հրապարակվել են հոկտեմբերի 25-ին կայանալիք ՏԻՄ ընտրությունների ընտրողների ցուցակները
«Ռեալ Սոսյեդադի» մարզիչը բարձր է գնահատել Զախարյանի նորամուտը ակումբում
26.08.2023 | 13:03
«Ռեալ Սոսյեդադի» գլխավոր մարզիչ Իմանոլ Ալգուասիլը բարձր է գնահատել Ռուսաստանի հավաքականի կիսապաշտպան Արսեն Զախարյանի նորամուտը ակումբում։ Այդ մասին տեղեկացնում է «Արմենպրես»-ը՝ վկայակոչելով «Lenta.ru»-ն:
«Ճիշտն ասած, նա զարմացրեց ինձ։ Ոչ թե մակարդակի, այլ այն առումով, թե ինչպես է հարմարվել թիմին»,- ասել է Ալգուասիլը՝ հավելելով, որ կիսապաշտպանը հիանալի բնավորությամբ տղա է, և ապագայում կդառնա մեծ խաղացող։
Մասնագետը շնորհակալություն է հայտնել նաև Ռուսաստանի հավաքականի գլխավոր մարզիչ Վալերի Կարպինին, որ Զախարյանին թույլ է տվել ընտելանալ նոր ակումբին։
Օգոստոսի 25-ին «Ռեալ Սոսյեդադը» Իսպանիայի առաջնության 3-րդ մրցափուլում ոչ-ոքի՝ 0-0 խաղաց «Լաս Պալմասի» հետ։ Զախարյանը խաղադաշտ դուրս եկավ հանդիպման 75-րդ րոպեին։
Կիսապաշտպանը «Ռեալ Սոսյեդադ» է տեղափոխվել օգոստոսի 19-ին։ 20-ամյա ֆուտբոլիստի հետ պայմանագիրը նախատեսված է հինգ տարով՝ մինչև 2028/2029 մրցաշրջանի ավարտը։ Մինչ այդ մարզիկը երեք տարի հանդես է եկել «Դինամոյում»։
